“అమెరికా లో మాతో మాకే పోటీ” ఉద్యోగం కోల్పోయిన భారతీయ టెకీ భావోద్వేగ వీడియో
సరిగ్గా నాలుగేళ్ల కిందట ప్రపంచంపై విరుచుకుపడిన కోవిడ్-19తో ప్రపంచ ఆర్దిక వ్యవస్థలు కుప్పకూలిపోయాయి అని మన అందరికి తెలిసిందే. లక్షలాది మంది ప్రాణాలను బలితీసుకున్న ఈ మహమ్మారి ప్రజల ఉపాధిని కూడా బాగా దెబ్బతిసింది. కోవిడ్ వొచ్చి నాలుగేళ్ల గడిచినా ఇంకా ఈ ప్రభావం కొనసాగుతూనే ఉంది. ఆర్ధిక మాంద్యంతో ఐటీ సంస్థలో లేఆఫ్‌లు కొనసాగుతూనే ఉంటూ ఉన్నాయి. ఈ ఆర్ధిక భారాన్ని తగ్గించుకునే ప్రయత్నంలో భాగంగా ఉద్యోగులను ఇళ్లకు కంపెనీలు సాగనంపుతున్నాయి. ఈ క్రమంలో లే ఆఫ్ కారణంగా అమెరికాలో ఒక భారత సంతతి యువకుడు తన ఉద్యోగం కోల్పోయాడు.
దీంతో ఇతర దేశాల్లోఉద్యోగాలు కోల్పోయిన టెక్కీలు తమ ఆవేదనను సామాజిక మాధ్యమాల్లో పంచుకుంటున్న వీడియోలు బాగా వైరల్ అవుతున్నాయి. తాజాగా ఇలానే లేఆఫ్ బాధితుడు భారత సంతతికి చెందిన ఓ సాఫ్ట్‌వేర్‌ ఇంజినీర్‌ షేర్ చేసిన వీడియో ప్రస్తుతం బాగా వైరల్ అవుతోంది. తనను ఉద్యోగం నుంచి ఎందుకు తొలగించారు అందుకు ఆ సంస్థ చెప్పిన కారణాన్ని పంచుకున్న అతడు అక్కడ తనతో పాటు తన టీమ్‌ మొత్తాన్ని ఇంటికి సాగనంపారని అతడు పేర్కొన్నాడు.
ఇలా తొలగించడానికి ముందు నన్ను వాళ్లు ఇంటర్వ్యూ చేశారు. నా టీమ్‌ సభ్యుల స్థానంంలో మరో భారతీయులను నియమిస్తామని చెప్పడంతో నేను షాకయ్యాను. ‘నేనూ భారతీయుడినే’ అని వారికి చెప్పా కానీ వాళ్లకు కేవలం భారత్ నుంచి వచ్చినవాళ్లే కావాలంట. వారు మాత్రమే చాలా తక్కువ వేతనానికే పని చేస్తారని కంపెనీ చెప్పింది. నేనెంత చెప్పినా నా వారు మాటలను వినిపించుకోలేదు’ అంటూ వీడియో ఆధారంగా వాపోయాడు. తాను ఇండియాలోనే పుట్టానని, నేను రెండేళ్లున్నప్పుడు కుటుంబంతో పాటు అమెరికా వచ్చినట్లు అతను వెల్లడించాడు.
నేను భారతీయుడ్ని అని చెబితే వారు అంటే (కంపెనీ) నా మాట వినకుండా లేదు, లేదు, లేదు, మీకు అర్థం కాదు మేము మిమ్మల్ని వదిలించుకుంటున్నాం. భారత్ నుంచి వచ్చిన మరో భారతీయులు చేయవలసిన పనిని మేము భారతదేశానికి తరలిస్తున్నాం వారు అక్కడ చాలా చౌకగా చేస్తారు అని అతను పేర్కొన్నాడు.
Indian software engineer is laid of and replaced by… Indians. 😅 pic.twitter.com/RtlZhU35Fo
— AlphaFo𝕏 (@Alphafox78) June 9, 2024
ఆ కంపెనీ తమను ఉద్యోగం నుంచి తొలగించి, ఆ స్థానంలో భారతీయులను చేర్చుకోవడం గురించి అతడు చెప్పిన తీరు అందరిని ఆకట్టుకుంటోంది. దీంతో ఈ వీడియో సోషల్‌ మీడియాలో తెగ వైరల్ అవుతోంది. ట్విట్టర్ (ఎక్స్‌)లో పోస్ట్ చేసిన ఈ వీడియోను ఇప్పటివరకు 3.5 మిలియన్ల మంది విక్షించారు 40 వేలకుపైగా లైక్‌లు ఆ పోస్ట్ కి వచ్చాయి. ఈ వీడియోను చూసిన నెటిజన్లు ఫన్నీగా వారి అభిప్రాయాలను కామెంట్ చేస్తున్నారు.‘బహుశా నువ్వు చాలా ఖరీదైపోయి ఉంటావ్‌ బ్రో’ అంటూ ఓ నెటిజన్… భారతీయుడి తరహాలో ఇంగ్లిష్‌ మాట్లాడి మళ్లీ అదే ఉద్యోగంలో చేరిపో’ అంటూ మరొకరు అలా కామెంట్లు చేస్తున్నారు.
ఇదంతా డబ్బు గురించే భారతీయులు చాలా తక్కువకే వస్తారనే భావన ఈ దేశంలో ఉంది అని . అయితే భారత్‌తో కానీ, చైనాతో కానీ మనం పోటీ పడలేం’’ అని ఇంకో వ్యక్తి .. ‘స్టాండప్‌ కమెడియన్‌గా నీకు మంచి భవిష్యత్‌ ఉంది ట్రై చేయొచ్చు కదా!’ ఇంకొకరు కామెంట్లు పెట్టారు. ‘భారత్ ఎందుకు గొప్ప దేశం కాదు? ఎంతో ప్రతిభావంతులకు కొదువలేని ఈ దేశం సూపర్ పవర్ కాకపోవడం కలవరపెడుతోంది.. నోబెల్ గ్రహీతలు, అత్యాధునిక సాంకేతిక పరిజ్ఞానం, వినూత్న పారిశ్రామికవేత్తలున్న భారతదేశం ప్రపంచ వేదికపై ఆధిపత్యం చెలాయించకపోవడమే ఆశ్చర్యం’ అని మరో వ్యక్తి కామెంట్ చేశాడు. more
